ايه المهارات أساسية اللي هحتاجها في شغل الفري لانسنج

ايه المهارات أساسية اللي هحتاجها في شغل الفري لانسنج (ضرورية جداً لنجاحك)

مهارات أساسية يحتاجها كل فري لانسر
هذا هو المقال الرابع من سلسلة مقالات دليل العمل الحر.

على الرغم من أن كل مجال من مجالات العمل الحر بيحتاج إلى بعض المهارات الخاصة. إلا أن في هناك مجموعة من المهارات الأساسية اللي لازم تتوفر في الفري لانسر واللي لازم تساعد بشكل أساسي في نجاحه وتحقق له المزيد من الأرباح.

علشان كده هنتكلم عن أهم المهارات العامة اللي لازم تكون عندك وتطورها كمان. متتوقعشي اننا هنتكلم هنا عن المواضيع الصعبة زي البرمجة والتصميم والكتابة مثلاً بالعكس احنا هنتكلم النهاردة عن المهارات الناعمة 🙂 أو المهارات الشخصية اللي بتساهم في نجاحك كفري لانسر… زي مهارات التفاوض والتواصل الفعال. طبعاً انت مستغرب بس عايز اقولك على حاجة.

خلال رحلة الكاتب الطويلة في مجال الفري لانسنج والتعامل معاهم . تلاحظ وجود مجموعة من المهارات اعتقد انها ضرورية علشان تبقى ناجح كفري لانسر أو مستقل وده هيكون وفقاً لخبرة عملية اختبرتها بنفسي.

9 مهارات أساسية لنجاحك في العمل الحر

بص يا سيدي صلي على النبي ( عليه الصلاة والسلام ) – دلوقي سوق العمل الحر ده سوق مفتوح وتنافسي والبقاء فيه بيكون للي عنده القدرة على التعلم والتطور وتنمية مهاراته وقدراته. من ناحية أخرى العمل الحر له طبيعة خاصة… يعني ملكشي مدير يرشدك ويقولك لازم تعمل ايه بالظبط. من المفترض أن عندك مهارات تخليك تدير عملك وتطويره.

1. مهارة التعلم الذاتي

تعتبر القدرة على التعلم الذاتي Self-Learning من أهم مهارات الفري لانسر Freelancer، مفيش حد فينا عنده المام بكل التقنيات وكل المهارات و كل الأدوات و كل البرامج. ومفيش حد يعرف اتجاهات أو أحوال سوق العمل ازاي هتكون كمان سنة أو سنتين. فا ازاي هتعرف تتنافس وسط التطورات اليومية في البرامج والتقنيات الجديدة؟

لازم تكون قدرتك على التعلم الذاتي Self-Learning تضمن لك التواجد في قلب الاحداث دائماً. طلب المساعدة جيد ومطلوب. لكن مش هتحس بقيمة المعلومة أو المهارة التي اكتسبتها إلا بعد جهد مضنٍ منك.

التعلم الحر هنا بيتضمن التعلم من المقالات والفيديوهات والكورسات المتاحة. وده طبعاً إلى جانب التجربة والمحاولة.

التعلم الذاتي بيبدأ هنا من القدرة على البحث والوصول للمعلومة. وتحط ايدك على المواد التعليمية الجيدة. واللي ممكن من خلالها تكتسب معارف وخبرات وأفكار جديدة.

مهم جداً : أنك تمتلك القدرة على التعامل مع محركات البحث. والقدرة على استخدام التقنيات المتقدمة في البحث للوصول للي انت عايزة من معلومات ومواد تعليمية.

وهنكتب 3 مقالات ان شاء الله تساعدك كثيراً في نقطة البحث أونلاين:

أسرار البحث في جوجل (كيف تصل لما تريد بالتحديد)
أفضل 20 محرك بحث للوصول لأي شيء تريد على الإنترنت
البحث المتقدم في جوجل (دليلك للتعامل مع جوجل بذكاء)

مهم طبعاً انك تفهم كمستقل أن رحلة التعلم الذاتي عمرها ما هتنتهي طالما بتعمل كمستقل. فا لازم تخصص وقت يومي أو أسبوعي للتعلم واكتساب خبرات ومعارف جديدة. ايوه زي ما سمعت كدهون . هوه ده يا ابني الطريق الوحيد الذي سيضمن لك البقاء في سوق العمل الحر التنافسي.

في النهاية خليني اكتب بعض المقالات هتساعدك في عالم التعليم اونلاين :

كيف تصل إلى كورسات مجانية في أي تخصص تريد
أفضل مواقع كورسات اون لاين (دليلك لتعلم أي شيء)
منصة كورسيرا: وسيلتك للدراسة في أفضل جامعات العالم من بيتك
ما هو موقع يوديمي (كل ما تود معرفته عن موقع الكورسات الأشهر)

نصيحة هامة
ياصديقي لا تتوقف أبداً عن التعلم. ولا تجعل عملية التعلم عملية مؤقتة في رحلتك كمستقل. بل خليك دائماً بتطور من ذاتك علشان مكانك يبقى محجوز باستمرار بين صفوة المستقلين المحترفين الذي يتقاضون أجوراً باهظة.

2. مهارة التعامل باللغة الإنجليزية

في عالم العمل الحر على الإنترنت الانجليزي هي اللغة الرسمية والضرورة الحتمية لنجاحك وأزدهارك. اللغة الإنجليزية هي اللغة اللي بيتكلم بيها حوالي %20 من سكان الكوكب. وهي اللغة الأساسية في عالم التكنولوجيا والإنترنت.

كمان الإنجليزي هو القاسم المشترك عند تواصل أي شخصين الإنجليزي مش لغتهم الأولى (مثلاً لما يتواصل هندي مع مصري فهم هيتكلموا إنجليزي).

في مجال العمل الحر هتحتاج الإنجليزي في التسجيل والتعامل مع منصات العمل الحر، وهتحتاجه للتواصل مع عملاءك غير العرب، وهتحتاجه علشان تتعلم حاجة جديدة (معظم المصادر التعليمية الجيدة باللغة الإنجليزية).

مش مطلوب منك هنا أن تكون محترف إنجليزي. بس لازم يكون معاك الحد الأدنى من اللغة اللى يساعدك تتعامل بسلاسة من خلالها.

النقطة دي يمكن تكون عقبة قدام الكثير من المستقلين العرب. بس بمجرد البدء في التعامل معها هتلاقي نفسك بتتحسن ببذل شوية مجهود يومي بسيط (مش اكتر من ساعة)، ومع مرور الوقت والجرأة في الممارسة هتتخطي العقبة دي. وتكون قادر على التعامل بالإنجليزية عند الضرورة.

في مقالات كتير ممكن ننشرها عن تعلم اللغة الإنجليزية ان شاء الله هتكون تحت عنوان:

دليلك الشامل لـ تعلم الانجليزية (كل ما تحتاج في مكان واحد)

3. مهارة إدارة الوقت

واحدة من مميزات العمل الحر هي الحرية التامة في إدارة الوقت. فبمجرد اتفاقك مع اصحاب العمل على اتمام مهمة ما. ووضع حدود زمنية لاتمام هذه المهمة. فا هنا انت حر تماماً في إداراة وقتك واختيار مواعيد العمل والساعات والجلسات التي هتحددها لاتمام المهمة.

زي ما قلتلك قبل كده الموضوع ده سلاح ذو حدين. ليه ؟ لأن واحدة من أكثر السمات التي لمستها في تعاملي مع عشرات المستقلين هي أن معظمهم مبيلتزموش بالمواعيد المحددة لاتمام المهام.

إدارة الوقت موضوع مش سهل بصراحة وخصوصاً مع امتلاك الحرية التامة في التعامل معه. علشان كده لازم تكون صاحي في التعامل مع الموضوع ده. أنت هتكسب فلوس فقط لما تنفذ المطلوب. وطبعاً هتحتاج للوقت علشان تخلص الشغل.

خليك فاكر دايماً ان عدم تنظيمك للوقت هيخليك تاخد وقت اكبر في المهمات اللى هتعملها اكتر من ما هيه مستحقة. ومن الناحية العملية ده معناه خسارة مادية لك، لأن الوقت الضائع هذا كان ممكن نستثمره في انجاز مهمات تانية أو على الأقل تستثمره في التعلم وتطوير خبراتك.

4. مهارة التواصل الجيد مع الآخرين

لو كان في مهارة واحدة لازم تكون عندك علشان تنجح – صدقني لو قلتلك – انها مهارة التواصل الفعال مع الآخرين. التواصل رغم أنه بيمثل مهارة أساسية جداً. المفروض كل الناس عندها المهارة دي بس في الحقيقة الأمر غير كده تماماً.

معظم المشاكل بين المستقلين وأصحاب الأعمال سببها ضعف التواصل. أو على الأقل كان ممكن تتحل من خلال تواصل جيد وواضح. ( دي حقيقة واقعية وحصلت معايا كتير وخسرتني عملاء ). من ناحية تانية مفتاح حل اكتر المشاكل بيكون من خلال التواصل الفعال القائم على التفهم والتعاطف وتبني حلول منصفة للجميع.

القدرة على التواصل الجيد مع الآخرين من المهارات الحتمية في مجال العمل الحر. في الحقيقة جزء كبير من نجاحك كفري لانسر بيعتمد على قدرتك على التواصل وتكوين علاقات كويسة في مجتمعك. والقدرة على التعامل بشكل احترافي مع عملاءك اللى هيخليهم يتعاملوا معاك تاني.

ودي بعض النقط المهمة اللي جمعناها بخصوص التواصل الفعال:

لما تيجي تتواصل مع اصحاب الاعمال علشان تعرض خدماتك متفقدش الامل من اول مرة . عيد المحاولة فهما في العادة بيكونوا منشغلين، وده في الغالب بيكون سبب عدم الرد.
لما تبدأ تتواصل مع عميل لازم تكون مبادر في التواصل ومتكنش سلبي حتى لو كان الطرف الآخر سلبي. خليك انت الطرف الذي بيحرك المياه الراكدة.
افهم كويس بيقولك ايه صاحب العمل واسأل واتأكد من أنك فاهم كويس هو محتاج ايه بكل التفاصيل اللى هيعوزها.
طبعا لازم تستخدم اسلوب وألفاظ محترمة وتليق بالتعامل. مينفعش تبقى فظ أو تستخدم ألفاظ مش محترمة .
انا مش هطول عليه ان شاء الله هكتب مقال بعنوان :

مهارات التواصل: ما هي وما طرق تحسينها بشكل عملي

5. مهارة التفاوض

من أهم المهارات التي يجب أن تتوافر في أي عامل حر Freelancer هي مهارة التفاوض. انت لازم تكون مفاوض ماهر.

لازم تكون عارف كويس وبشكل دوري أسعار الخدمات الممثالة للخدمة اللى انت بتقدمها. لأن ده هيساعدك في مرحلة التفاوض مع العميل. بمعنى انك متحطش أسعار أعلى من معدل سعر السوق فالعميل يرفض إتمام عملية الشراء. وفي نفس الوقت لا تضع سعر اقل من أسعار السوق فتبخس حقك ومجهودك. خليك متوازن في طلباتك المادية.

مهارات التفاوض كمان مش مرتبطة بـ كيفية تسعير عملك كمستقل. ولكنها كمان مرتبطة بكيفية تنفيذ العمل ده. وايه النطاق الزمني المطلوب علشان تنفذ العمل خلاله. والكثير من التفاصيل الأخرى اللي بتحتاج فيها أنك تكون مفاوض جيد.

التفاوض الاحترافي الفعال مش بيتحقق من خلال استراتيجية تحقيق أعلى مكاسب ممكنة بأقل مجهود ممكن. لأنه متعلق بالدرجة الاولى برضا العميل أيضاً واكتسابه كعميل على المدى البعيد. ومساعدته علشان يحقق كل الأهداف اللى هوه عايزها.

التفاوض الفعال باختصار معناه الوصول لحلول وسط متسببش ضرر لأي من الأطراف. وتحقق مصالح الجميع بشكل منصف. يمكن ده يكون صعب في العالم الواقعي لأن في الغالب المصالح بتتعارض. ولكن من خلال فهم وتعلم مهارات التفاوض من المتخصصين والتمرس على استخدامها هتتمكن دائماً من تحقيق اتفاقات أفضل ومرضية للطرفين.

اقرأ قريباً ان شاء الله :

أهم مهارات التفاوض الأكثر فاعلية للحصول على ما تريد بذكاء
انجح استراتيجيات التفاوض التي ستجعلك الرابح دائماً

6. مهارة التعامل مع التكنولوجيا والواجهات والأنظمة والبرامج

العمل الحر على الإنترنت يتطلب التعامل مع التكنولوجيا باستمرار. من اول ما نبدأ نحدد مجال العمل الحر اللي عايزين نشتغل فيه .لإعداد الأدوات الخاصة بالعمل ده والتدرب عليها . مروراً بعمل الحسابات الاحترافية على مواقع التواصل الاجتماعي وخصوصاً اللينكد إن. وعمل حسابات على منصات العمل الحر. وإنتهاءاً باتمام عملية بيع ناجحة لخدماتك.

في كل نقطة من النقط دول هتحتاج لقدرة على التعامل مع كل ما ستقابل في طريقك من البرامج والواجهات والمنصات وما بها من إعدادات وخيارات متقدمة.

بالطبع في ادوات خاصة بكل مجال من مجالات العمل الحر. وطبعاً دي لازم نشتغل عليها ونحترفها كمان. وفي برضه أدوات عامة أيضاً يحتاج أن يتعامل معها معظم من يعمل كمستقل. ومن هذه الأدوات مثلاً حزمة مايكروسوفت اوفيس.

تعتبر حزمة مايكروسوفت أوفيس Microsoft Office للأدوات المكتبية.. هي الحزمة المفضلة لدى الكثير من الشركات والمؤسسات.

ويجب على العامل الحر Freelancer معرفة كيفية التعامل مع الجداول Excel وملفات الكتابة Word والعروض التقديمية PowerPoint، فكلها مهارات أساسية يحتاجها العامل الحر Freelancer لإنجاز عمله بغض النظر عن أي حزمة يستخدمها سواء كانت Microsoft Office، أو عبر الإنترنت مباشرة مثل حزمة Google Docs.

7. مهارة التسويق

التسويق هو واحد من مجالات العمل الحر الهامة جداً. واللي ممكن التخصص فيه من خلال آداء الخدمات التسويقية للغير. ولكن التسويق من ناحية عامة هو مهارة هامة لكل فري لانسر سواء في مجال التصميم أو الكتابة أو الترجمة أو حتى التعليق الصوتي.

إن مكنتش تقدر تسوق لنفسك كفري لانسر محترف قادر على آداء المهام في مجال تخصصك. فا محدش يا صاحبي هيطلب تأجيرك لأداء المهام الخاصه بعمله. وفي ظل عالم العمل الحر التنافسي في الوقت الحالي فالموضوع بقى ضرورة . بل بقى حتمي عليك التعامل معاه علشان تنجح في العمل الحر.

مواقع التواصل الاجتماعي فرصة ممتازة لتكوين مجتمع في مجال تخصصك. والحصول على عملاء جدد باستمرار. عملاءك متواجدين بالفعل على مواقع التواصل الاجتماعي. ويمكنك بناء صفحات متخصصة عن الخدمات التي بتقدمها. وجذب المهتمين بالخدمات دي والحصول على مزايا رائعة.

واحدة من أهم مزايا صفحات التواصل الاجتماعي Social Media هي التواصل مع العملاء. فهي بتتيح لك التعرف على تعليقات المتابعين. وإكتشاف ردود أفعالهم على الخدمات اللي بتقدمها. وتديك ميزة إضافية هي تطوير ما تقدمه بشكل أسرع.

صفحات التواصل الاجتماعي Social Media بتمنحك أيضاً القدرة على التعرف على طبيعة السوق اللي بتشتغل فيه. فيمكنك ملاحظة التغيرات في سلوك المستهلكين والعملاء فتتمكن من تعديل طريق التسويق. أو تغيير إستراتيجية العمل الخاصة بك لتتلائم مع التغيرات التي حدثت لجمهورك المستهدف. ويمكنك أيضاً سؤال العملاء بطريقة مباشر.

اقرأ أيضاً: 9 أسباب تحتم عليك الوجود على لينكدإن

8. المهارات التنظيمية والمحاسبية وإعداد التقارير

بصفتك مدير لنفسك – الف مبروك يا مدير 🙂 – فسوف تحتاج لإدارة كل ما يخص عملك بنفسك. وده بيتضمن تنظيم العمل والتنسيق بين المهام المطلوبة منك والجدول الزمني لتنفيذ كلاً منها. وكمان بيتضمن الجانب المالي المحاسبي من تحيث حساب تكاليف العمل وتحديد الأسعار واحتساب الدخل الصافي بعد تجنيب كل المصاريف…الخ.

واعداد التقارير بشكل سليم مهارة ضرورية لكل من يعمل في العمل الحر. وهي تفرق بين احترافية عامل حر Freelancer وآخر. فدايماً ما يتطلب الأمر إعداد تقارير ملخصة لما قمت بعمله. أو تقرير حالة عن خدمة هتقوم بها. وفي حالة كان التقرير الخاص بيك جيد ومصمم بصورة جيدة فبكل تأكيد هيساهم في قبول طلبك وبسرعة لدى أصحاب الأعمال.

تذكر أن أصحاب الأعمال دائماً ما يبحثون عن شخص منظم قادر علي عرض ما يستطيع تنفيذه. وقادر علي إعداد تقرير لما قام بتنفيذه بالفعل.

اقرأ أيضاً: طرق اكتساب مهارات جديدة في الحياة العملية

9. مهارة التعامل مع الخلافات وحل المشكلات

عدم رضا العميل عن مستوى الخدمات التي تُقدمها. أو حتى عدم رضاك أنت كعامل حر Freelancer عن كيفية تعامل بعض العملاء معك. كلها أمور واردة في مجال العمل الحر Freelancing، فالتعامل الجيد والهادئ في الغالب لا يدوم كثيراً.

العمل الحر زيه زي أي عمل آخر من الممكن أن تحدث فيه الخلافات وتنشأ فيه المشكلات. وده شيء عليك وضعه دايماً في اعتبارك بل ولازم تستعد ليه وتتقبله لما يحصل.

لازم تكون موضوعي ومتعاطف مع العميل. حاول أنك تتبني وجهة نظر العميل وتبص للخلاف من الزاوية اللي هوه بيبص منها. تجنب العبارات الهجومية سواء في مراسلاتك مع العميل أو وجهاً لوجه. ولازم تكون مستمع جيد لوجهة نظر العميل من غير ما تقاطعه وهوه بيشرح وجهة نظره.

من النقط الهامة جداً في هذا الجانب أنك تتمتع بقدر من المرونة. ففي عالم العمل الحر هناك الكثير من التغييرات والتعديلات في العمل، واللي من الممكن أنها تسبب خلاف بينك وبين العميل.

هنا المرونة في التعامل والصبر لحد ما تنجز المهمة بالشكل اللي يفضله العميل من الأمور اللي لازم تتعلمها وتعمل عليها دائماً.

اقرأ أيضاً: كيفية التعامل مع العميل الغاضب (13 طريقة علمية فعالة)

عايز اعرف تعليقاتكم على اسلوبي في الكتابة والمادة ولو في اي استفسار او سؤال انا تحت امركم . تقبلوا بالغ شكري لوقتكم الثمين والسلام عليكم ورحمة الله.