أهم وأفضل أدوات العمل الحر لكل مستقل ناجح
أدوات العمل الحر
دي هيه الخطوة الثالثة من مقالات دليلك الشامل للعمل الحر على الإنترنت. واللي هنتكلم فيه عن أدوات العمل الحر. ايوه الأدوات مهمة جدا و عنصر في غاية الأهمية بالنسبة لكل عمل. بيتوقف عليها النجاح بشكل كبير، وفي دنيا الاعمال الحرة الأدوات بتحتل أهمية خاصة.
في الحقيقة, العمل الحر على الإنترنت يقوم بشكل أساسي على الادوات المستخدمة في العمل. ولا يمكن إنجاز الاعمال غالياً إلا بامتلاك الأدوات المناسبة. والفري لانسر الذكي هوه اللى يعرف كويس قوي هوه محتاج اي ادوات بالظبط ويعرف يستخدمها ببراعة.
في المقال هنذكر قائمة بأهم وأفضل أدوات العمل الحر. واللي من خلالهاهتقدر تنجز مهامك بشكل أفضل وأسرع وأكثر جودة. وكمان هتختصر لك الكثير من الوقت والمجهود. مش كده وبس دي كمان هتسهل عليك الكثير من جوانب العمل.
خد بالك هنا هنتكلم عن الادوات العامة اللى بيستخدمها كل مستقل او فري لانسر بغض النظر عن تخصصه او المجال اللى بيشتغل فيه والادوات دي دورها بيكون في تحقيق التواصل. واستلام المستحقات المالية. وتنظيم الاعمال وترتيبها ورفع الإنتاجية علشان تحقق اعلى عائد ممكن.
طبعاً تخصصك في عالم العمل الحر هوه اللى بيحدد ايه الادوات الاخرى المتخصصة اللي هتحتاجها. واللي ستكون مرتبطة بشغلك بشكل مباشر. زي مثلا برامج صنع وتعديل الفيديوهات للفري لانسر المتخصص في تصميم وتحرير الفيديوهات.
وده سرد سريع للادوات اللي بيحتاجها كل فريلانسر
14 آداة أساسية في العمل الحر لا يمكنك الاستغناء عنها
1. أداة Skype برنامج سكايب
يعد Skype برنامج ممتاز جداً للتواصل مع عملائك عن طريق المكالمات الصوتية ومكالمات الفيديو سواء المحلية أو الدولية. طبعاً انت ممكن تستخدمه بشكل مجاني لما يكون كلا الطرفين متصلين بشبكة Wi-Fi أو بشبكة 4G. انما انت ممكن كمان تشتري رصيد علشان تستخدمه للاتصال بأرقام الهواتف الدولية.
وعلى الرغم من تعدد برامج التواصل والرسائل الفورية إلا أن سكايب لا يزال يتربع على عرش برامج التواصل في مجال الأعمال. بصراحة هو البرنامج الرسمي اللي بيتم التواصل من خلاله في معظم الشركات العالمية.
كونك تعمل في مجال العمل الحر فا لازم تمتلك حساباً على سكايب. في العادة الواحد في كل بريد إلكتروني بيبعته لأحد أصحاب العمل ممكن يلزق الحساب الخاص بيه على سكايب.
2. أداة PayPal
الطبيعي في الفري لانسرز انهم بيعملوا حسابهم الخاص مع عملاء من جوه البلد او من دول اخرى . ولما بيكون الشغل مع عملاء من الخارج ممكن الناس تستخدم الدفع عن طريق التحويل البنكي . بس المشكلة ان التحويل البنكي بياخد فلوس كتير وبياخد وقت طويل ومش كل العملاء متاح ليهم الدفع عن طريق الحساب البنكي.
علشان كده الـ PayPal هو النظام المثالي للعامل الحر Freelancer للحصول على أمواله، وده علشان هوه وسيلة دفع عالمية بيحبها الكثيرون حول العالم. الـ PayPal متوفر في أكثر من 200 دولة. وبيدعم 25 عملة. وبيعتبر PayPal نظاماً آمناً للغاية لتحويل الأموال.
كمان نظام PayPal مرن للغاية في تجار كتير عبر الانترنت بيعتمدوه كطريقة للدفع. وعلشان كده انت تقدر تستخدمه في شراء أي منتجات أو أدوات تحتاجها وتساعدك على شغلك كفري لانسر.
للي ميعرفش , الباي بال عبارة عن بنك إلكتروني. ممكن من خلال البنك ده انك تربط بيه حسابك البنكي. أو ربط الكارت الائتماني الخاص بيك بالمنصة. ومن خلاله تقدر تعمل مدفوعاتك أونلاين من مكان واحد. أو تستقبل الاموال من أصحاب الأعمال. الجدير بالذكر أن أغلب منصات العمل الحر تتيح الدفع من خلال الباي بال للمستقلين. وعلشان كده هو ضروري لك.
ملحوظة: تختلف قوانين عمل باي بال وفقاً للبلد اللي انت عايش فيه. فمثلاً في دول محظور فيها الباي بال من الأساس. وفي دول أخرى ممكن فيها التعامل مع الباي بال بها فقط بالكارت الائتماني. وفي دول متاح فيها الدفع من خلال باي بال ولكن استقبال المال مش متاح.
طبعاً انت ممكن تعرف كل المعلومات دي واكتر من خلال زيارة الموقع الرسي للبي بال على الرابط التالي :
هكتب مقال قريباً بعنوان : شرح إنشاء حساب PayPal
3. أداة Dropbox
هو برنامج تخزين سحابي ممكن من خلاله مشاركة الملفات مع عملائك. ومساحة التخزين هنا محدودة بس Dropbox بيتيح لك اكمال مهام معينة لزيادة مساحة التخزين الشهرية الخاصة بيك. مثلا زي دعوة مستخدمين اكتر اوتثبيت Dropbox على أجهزة متعددة، وممكن كمان تختار انك تشتري مساحة تخزين إضافية وفقًا لاحتياجاتك.
بجانب العمل على موقع Dropbox، انت ممكن تثبت Dropbox على جهاز الكمبيوتر الخاص بيك. ولما تعمل كده ممكن تعمل تزامن تلقائي للملفات الخاصة بيك من على جهاز الكمبيوتر الخاص بك.
البرنامج مهم جداً في حال التعامل مع الملفات ذات مساحة التخزين العالية. مثل الفيديوهات وعلشان كده حال كنت تعمل محرر فيديو فهذا البرنامج سيكون له دور حيوي في عملك.
انا طبعاً عن نفسي بستخدم خيارين ثانين زي onedrive و google drive علشان بصراحة برتاح في شغلهم وبقدر ابعت واطلب تعديل بيانات واعمل شغل كامل لشركات من خلالهم دا غير ان بعض الباقات من ميكروسوفت بتديك على برامج الاوفيس 365 مساحة برضه كويسة
على اي حال الموضوع متروك لراحتك واحتياجاتك
اقرأ ايضاً ان شاء الله : ما هو التخزين السحابي وأفضل خدماته المجانية
4. أداة Hunter
بصراحة اداة Hunter دي خطيرة جداً في مجال العمل الحر لانها بتعمل وظيفة مهمة جداً . هيه شغلها انها تدور على عناوين البريد إلكتروني في موقع معين علشان تحفظهم وتراسلهم لما تكون عايز تعرض شغلك. وممكن تراسل صاحب الشركة مباشرة او صانع القرار في الشركة أو المؤسسة.
كل اللى هتعلمه ببساطة انك هتبحث عن موقع الشركة أو عن اسم الشركة وهتلاقي عناوين البريد الإلكتروني المتاحة. وللحصول على أفضل النتائج في البحث وللمساعدة في تحديد صانع القرار الفعلي في الشركة التي تريد العمل معها. انت ممكن تقوم بتفعيل تبادل البيانات ملف مع LinkedIn.
باختصار الأداة دي ستساعدك كثيراً في حال كنت عايز تاخد زمام المبادرة وتتواصل مع الشركات اللى انت تعتقد أنها بتحتاج للخدمات التي هتقدمها. فهي هتمكنك من الوصول لعناوين البريد الإلكتروني لهذه الشركات ولصناع القرار فيها علشان تتواصل معهم وتعرض عليهم خدماتك.
5. أداة Calendly
الاداة دي ظريفة للغاية وممتعة . هيه بتخليك تعمل جدولة للاجتماعات الفردية أو الجماعية. مع التكامل مع Google Calendar و Outlook و Office 365 و iCloud. بالإضافة إلى تطبيقات مثل Salesforce و Zapier و Slack و MailChimp.
فكرة الاداة دي انها بتدير مواعيد الاجتماعات اللى انت متفق عليها مع العملاء في اي بلد اخر وبتقدر تحدد المنطقة الزمنية علشان تعرفوا تتجتمعوا بسهولة في الوقت المناسب . طبعاً من خلال برامج المحادثة او الاجتماعات المعروفة بأقل قدر من الارتباك والخطأ في فرق التوقيت.
ببساطة إنها أداة هتساعدك كفري لانسر في عمل جدولة لكل المواعيد الخاصة بيك مع اصحاب العمل اللي هتؤدي خدمات ليهم. وده هيكون مساعد جداً في حين كان عندك المزيد من العمل مع المزيد من العملاء حول العالم.
6. أداة Zoom
اظن حالياً بعد موضوع الكورونا محدش في عالم الانترنت مبقاش عارف برنامج زوم وطبعاً يتيح لك Zoom عقد مؤتمرات أو ندوات أو اجتماعات عبر الإنترنت تضم أكثر من 100 شخص. مع توفر إمكانية تسجيل فيديو تقوم بعرضه. و يمكنك أيضًا تسجيل المؤتمر أو الندوة أو الاجتماع.
انت ممكن تستخدامه مجانًا لمدة تصل إلى 40 دقيقة مع مشاركين محدودين. طبعاً في عندهم اسعار للي عايز مدة اكتر او اعداد اكبر .
زووم بيديك فرصة كويسة انك تتدرب على الكلام على الهوا مباشرة مع جمهورك او عملاءك وبيوفر ميزة التدريب على ادارة الاجتماعات كمان.
هو أداة ممتازة لو عايز تعمل انترفيو أو مكالمة عمل فيديو. وهوه مفيد جداً في حالة لو كان ضروري انك توضح الشغل لصاحب العمل قبل ما تبدأ في تنفيذه. فهوه هيوفر لك ولصاحب العمل كل الأدوات علشان تعلم تواصل فعال وحيوي في مجال الأعمال مع توفير كل الخواص اللي من الممكن أنك تحتاج لها.
انا هكتب ان شاء الله مقال بعنوان : نصائح فعالة لعمل اجتماع اون لاين ناجح وأكثر إنتاجية
7. أداة Rescue Time
في خِضم انتشار مواقع التواصل الاجتماعي برنامج RescueTime بيعمل حاجة خطيرة قوي . البرنامج ده بيراقب نشاطك على شاشة الكمبيوتر الخاصة بيك كل يوم انت. وبيسمح لك تتبع وقياس الوقت اللي بتقضيه في المواقع التي تتصفحها. وبعد كده بيعمل تقارير مفصلة ممكن تستخدمها لتحليل أنماط استخدامك وتصحيح أي أخطاء. وده علشان تتمكن من التركيز والعمل وتكون أكثر إنتاجية.
الأداة دي وظيفتها باختصار -وذه زي اسمها- أنها تنقذ الوقت المهدور في عملك. فمجرد ضبطها هتقوم من خلال الخواص اللي توفرها بمنحك لوحة تحكم كاملة لإدارة كل شيء مرتبط بوقتك أوعملك.
فممكن من خلالها عمل جدولة للمهمات اللي عايز تخلصها سواء بشكل يومي أو اسبوعي. كمان هي في نهاية كل يوم أو أسبوع هتديك تقارير هامة جداً عن ادائك في العمل. وايه هيه المنصات والأشياء اللي كانت بتقف في طريق انك تكون أكثر إنتاجية.
بص هيه أداة ممتازة لكل واحد بيسعى أنه يكون أكثر انتاجية.
خد بالك الاداة دي مش مجانية هيه بتديك اسبوعين مجانا وممكن تاخد خصم يصل لخمسين في المائة عند اشتراكك لمدة سنة انما هيه مش مجانية . ومفيدة بصراحة جداً
ان شاء الله هكتب مقالات اخرى بالعناوين دي مرتبطة بالموضوع ده :
كيف تصبح أكثر إنتاجية بخطوات عملية فعالة ومجربة
أفضل تطبيقات تنظيم الوقت وزيادة الإنتاجية (ستساعدك كثيراً)
8. أداة HootSuite
لو انت مهتم بادارة حسابات تواصل اجتماعي لشخصية مشهورة او كيان كبير ف أكيد الاداة دي هتفيدك جداً
اداة Hootsuite بتعمل تتبع لحملات السوشيال ميديا . بمعنى انك لو كنت بتدير صفحات التواصل الاجتماعي Social Media لعرض أعمالك ومشروعاتك والتسويق لنفسك مثلاً . فا Hootsuite دي من أفضل أدوات إدارة صفحات وسائل التواصل الاجتماعي.
انت ممكن في Hootsuite تربط كل صفحات التواصل الاجتماعي الخاصة بك مثل Facebook و Twitter و YouTube و Instagram و LinkedIn و Pinterest وتديرها من مكان واحد.
كل ما عليك انك تكتب المنشور أو المحتوى الذي تريد نشره. وتختار الصفحات اللي انت عايزها تنشر المنشور. بالتبعية هيتم نشر المحتوى اللي انت عايزه على كل الصفحات في نفس الوقت وبنفس الشكل.
ومن أهم المزايا اللي بيوفرها Hootsuite هي خاصية الجدولة schedule، فا ممكن تجدول منشوراتك بمواعيد مختلفة وهيقوم Hootsuite بنشرها تلقائياً في الميعاد اللي انت حددته دون أي تدخل منك.
طبعاً الاداة بتديك تجربة 30 يوم وبعد كده بتحاسب على الشهر بيبدأ من 49 دولار .. يا بلاش يعني 🙂
9. أداة Prospero
يساعدك Prospero على إنشاء المقترحات وعروض العمل الخاصة بمشروعك، و يساعدك أيضًا على تقييم كل مشروع أنتهيت منه، لهذا السبب يُعد مثاليًا للـ Freelancer المبتدئ.
عندما تقوم بإنشاء الاقتراح أو عرض العمل فإنه يسألك أسئلة مثل: المعدل الخاص بك والمدة التي سيستغرقها إكمال المشروع ونوع العمل الذي تقوم به.
وهو يغطي تصميم الويب وتصميم برامج الهواتف الذكية بالإضافة إلى اقتراحات الطباعة والعلامات التجارية. وسيساعدك بعد ذلك في إنشاء اقتراح بأسعار مثالية لمشروعك استنادًا إلى إجاباتك.
10. أداة Pocket
اثناء العمل على الانترنت او التصفح اكيد هيصادفك مقالات او مقاطع فيديو او روابط هتكون مهمة ليك وعايز ترجعلها في وقت تاني . فا بدل ما تحط اشارة مرجعية او تحفظ الصفحة في متصفحك او على الكمبيوتر ليه متحتفظش بيها في برنامج بوكيت ؟
موقع Pocket وتطبيقه على الموبايل بيخلي من السهل حفظ الموارد المفيدة للرجوع إليها في وقت تاني. وبيسمح لك الوصول إلى جميع هذه المعلومات عبر أجهزتك الأخرى.
هي بصراحة أداة ممتازة لحفظ كل شيء متعلق بتصفحك الإنترنت. ومن خلالها يمكنك امتلاك ارشيف منظم لكل حاجة ان عايز توصل ليها في المستقبل بشكل سهل. ومن أي جهاز أو أي مكان انت عايزه.
11. أداة 1Password حالياً يتم استخدام اداة Samsung pass
طبعاً مع تطور الامور معاك يوم بعد يوم هيكون عندك عدد كبير من المواقع والحسابات التي هتحتاج تتابعها اوتدخل عليها. أداة 1Password بتوفر لك تخزين جميع معلومات تسجيل الدخول الخاصة بك في هذه القائمة.
لما يطلب منك موقع معين اسم المستخدم Username و كلمة المرور Password، فإن أداة 1Password هتُظهر لك كلمة المرور تلقائيًا طالما أنك مسجّل الدخول مسبقاً. ويمكن استخدام 1Password من الإضافات الموجودة على متصفح Google Chrome.
طبعاً الاداة دي لا غنى عنها تقريباً كل اللى اعرفهم بيشتغلوا اونلاين بيستخدموها وبيحتاجها على ما اعتقد اي فري لانسر. لأنك أجلاً أم عاجلاً هتمتلك عدد كبير من الحسابات على الكثير من المواقع (أدوات، منصات عمل حر، منصات تواصل اجتماعي…الخ)، وهيكون من السهل إدارة كل بيانات الدخول هذه من خلال هذه الأداة الممتازة.
ملحوظة : بالنسبة لمستخدمي اجهزة سامسونج اللى زيي ممكن تستخدموا اداة samsung pass ممتازة ورائعة برضه وبتأدي نفس الغرض واعتقد بتنزل على اي موبايل سامسونج بسهولة.
12. أداة Trello
هي آداة لإدارة المشاريع. وهي مناسبة جداً للناس اللى بشتغلوا بالصور والرسوم البيانية والاحصاءات . من خلال Trello انت ممكن تنشأ لوحات وتضيف بطاقات مهام تكون محتاج تقوم بيها او حد محددهالك.
Trello مرن للغاية وممكن تستخدمها لأي شيء سواء إدارة مهامك الشخصية. أو المهام الخاصة بأعمالك ومشاريعك. Trello بيستخدمها عدداً لا بأس به من الشركات الكبرى على مستوى العالم علشان تساعدهم في تعيين مهام فريق العمل والموظفين.
بكلمات أخرى هتمكنك الاداة دي من عمل مخطط كامل لشغلك وتقسيمه لأقسام ومشاريع. وتقسيم كل قسم لأعمدة بتتضمن المهام الفرعية في كل مشروع. وكمان ممكن تشارك كل ده مع الآخرين سواء أصحاب المشاريع أو فريق العمل الخاص بك.
13. أداة Google Keep
مين فينا مش عايز يكتب ملاحظانت او يقولها عن اي موضوع او شغل معين او خواطر خاصة بعملية معينة ومحتاج يرجعلها بعد كده ؟ اكيد كلنا . الاداة دي هتمكنك من عمل ملاحظات نصية أو صوتية. وكمان عمل جداول مواعيد وهتفكركبالمواعيد دي لما ييجي وقتها.
الآداة دي تابعة لجوجل. علشان كده انت ممكن تستخدمها من خلال الموبايل او الكمبيوتر من خلال حسابك مع جوجل.
تمكنك هذه الآداة أيضاً من مشاركة الملاحظات مع آخرين سواء من فريق عملك أو من عملاءك.
14. أداة Blogger
دي كمان آداة أخرى مجانية تابعة لجوجل. ممكن من خلالها إنشاء مدونة مجانية للتعبير عنك كفري لانسر. واللي من خلالها يمكنك مشاركة أعمالك وجذب المزيد من العملاء.
التعامل مع بلوجر في غاية السهولة وفي كثير من الفيديوهات والمقالات النصية التي تشرح إنشاء مدونة مجانية على بلوجر.
ان شاء الله هنكتب موضوع بعنوان أفضل إضافات جوجل كروم. واللي هتلاقي فيه مجموعة من الإضافات ممكن تستخدمها لمتصفح جوجل كروم. واللي هتساعدك على إنجاز المهام بشكل أفضل وأسرع.
سبحانك اللهم وبحمدك اشهد الا اله الا انت استغفرك واتوب اليك. انشر الموضوع لو مهم واحفظه حتى تستطيع الرجوع اليه فيما بعد وطبق علطول وجرب اللي كتبناه هنا علشان تقدر تشتغل بالادوات دي بسهولة ان شاء الله . وتابعني بأنتظام يا بطل. سلام.
Author: احمد حسن
احمد حسن خريج كلية تجارة جامعة عين شمس قسم محاسبة درس علوم الحاسب في جامعة ستانفورد بكاليفورنيا ( عن بعد ) درس علوم الحاسب قي جامعة جنوب استراليا ( عن بعد ) يجيد تصميم المواقع الاكترونية وتطبيقات الموبايل وتصميم الاعلانات والتسويق الالكتروني وكتابة المحتوى. يعمل بشركة الخدمات التجارية البترولية ( بتروتريد )
